Ministria e Shëndetësisë bën të ditur se sipas të dhënave të ISH-së gjatë 24 orëve të fundit janë bërë 1.489 testime dhe janë regjistruar 14 raste të reja me coronavirus.
Prej rasteve të reja 10 janë në Shkup dhe nga një rast në Kumanovë, Kavadar, Resnjë dhe Makedonski Brod.
Gjatë 24 orëve të fundit po ashtu janë regjistruar 103 pacientë të shëruar, ndërsa 13 të tjerë kanë humbur jetën. Prej pacientëve të vdekur nga tre janë nga Shkupi dhe Gostivari dhe nga një në Strumicë, Kavadar, Prilep, Ko;vani, Tetova, Gjevgjelia dhe Vallandova.
Që nga fillimi i pandemisë në Maqedoni me COVID-19 janë diagnostifikuar gjithsej 155.071 pacientë me COVID-19, ndërsa prej tyre 147.043 janë shëruar dhe 5.342 kanë humbur jetën. Numri i rasteve aktive në Maqedoni është 2.686.
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
